Юухэн хээхэн...

Bush, GTFO! Obama's here...

no_email@coo.mn (erdek) — Thu, 22 Jan 2009 10:21:00 +0800

Америкийн түүхэнд дэхь анхны Африк гаралтай ерөнхийлөгч сонгогдлоо. Анхны хар арьст ерөнхийлөгч гэдгээсээ гадна улс төр эдийн засгийн маш хүнд хэцүү үед гарч ирж байгаагаараа энэ удаагийн сонгууль онцлог. Обама Африк, Латин гаралтай ер нь нийгэмд гадуурхагдаж байсан сая сая Америкчуудад итгэл найдвар өгч байна. Дэлхийд тэргүүлэгч орны улс төрийн систем, ард олных нь төрийн тэргүүндээ өгч буй итгэл нь хүртэл нэг л өөр. Бүгд Обама гэж байхад халаагаа өгч буй хүү Бушд хандах хандлага нэг ийм:

Get the FUCK out! ~~ Эндээс зайл.

Манай Монголын ерөнхийлөгчийн сонгууль удахгүй болох гэж байдаг. Гэтэл манай улс төрийн систем, ард түмний улс төрчдөд итгэх итгэл ямар билээ дээ. Бид нар Энхбаярыг адилхан GTFO! гэж болох ч шинээр гарч ирэх нөхөр нь бас л нэг GTFO! байх биз.

Юманд зөв цагаа зөв газраа олох нь чухал

no_email@coo.mn (erdek) — Thu, 15 Jan 2009 00:31:00 +0800

Гэхдээ хийж байгаа ажилдаа ингэж өөрийгөө золиослож чадаж байгааг нь үнэлэх хэрэгтэй.

Reporter Owned By Sled - Watch more News Videos

It's OK Beckham, we understand

no_email@coo.mn (erdek) — Wed, 14 Jan 2009 17:58:00 +0800

Дайны хор уршиг гэж..

no_email@coo.mn (erdek) — Wed, 14 Jan 2009 13:08:00 +0800

Найзыгаа 2 удаа үднэ гэж яаж мэдэхэв дээ.

Дээр нь дараад томоор нь үзээрэй.

Дэлгэцээ цэвэрлүүлмээр байна уу?

no_email@coo.mn (erdek) — Wed, 14 Jan 2009 12:56:00 +0800

Мууран нинжа

no_email@coo.mn (erdek) — Wed, 14 Jan 2009 12:29:00 +0800

Муужгай нинжадав.хаха..

Та ямар зан чанартай хүн бэ?

no_email@coo.mn (erdek) — Wed, 23 Jul 2008 00:05:00 +0800

MBTI буюу Meyrs-Briggs Type Indicator гэдэг нь Сэтгэл судлалийн шинжлэх ухаан цаашилбал алдарт сэтгэл судлаач Карл Юунгийн судалгаан дээр үндэслэн зохиогдсон хүний зан чанарийг хэдэн хэдэн бүлэгт хуваан тодорхойлдог алдартай тест юм байна.

Ерөнхий зарчим нь бидний аливаад хандах хандлага ямар вэ гэдэгт үндэслэн E эсвэл I, S эсвэл N, T эсвэл F, J эсвэл P гэх үсгэн тэмдэглэгээнүүдээр илэрхийлэн дээрхи хос үсэгнүүдийн аль нэгийг сонгох замаар нийт 16 торлийн комбинац үүснэ. Жишээ нь: E S T J байлаа гэхэд (мэдээж) ESTJ төрлийн зан төлөвтэй гэх мэт. Үсэг бүр нь тодорхой утга санааг илэрхийлнэ. Ямар үсэг ямар зан төлөвийг илэрхийлэхийг дор товч тайлбарлав.

1. E ба I: Та өөрийн энэрги эрч хүчийг хаашаа юунд чиглүүлэхийг илүүд үздэг вэ?

Хэрвээ эрч хүчээ хүмүүст, ямарваа эд зүйлд, эсвэл тодорхой нөхцөл байдалд чиглүүлдэг, товчхондоо гадаад ертөнц уруу хандсан хүн бол таны онцлог E - Extrovert (гадагшаа).
Харин эсрэгээр аливаа үзэл бодол, мэдээлэл, итгэл үнэмшил гэх мэт дотоод ертөнцөдөө чиглэх хандлагатай бол I - Introvert (дотогшоо) гэж ойлгох нь.
Бид ярьдаг, дотогшоо хүн эсвэл хамгаа дэлгэдэг нээлттэй хүн гээд...

2. S ба N: Та аливааг бодож боловсруулах оюн санаандаа шүүн тунгаахдаа ямар арга барилийг илүүд үздэг вэ?

Нэгэнт батлагдсан фактууд дээр тулгуурлан, өөрийн одоо байгаа мэдлэгт үндэслэн аливаад тодорхой баталгаатай дүгнэлтийг гаргаж, эсвэл аливааг нэгэнт мэдэгдэж байгаа нөхцөл байдалд нь тулгуурлан тайлбарладаг бол S – Sensing (мэдрэхуй) төрлийн гэнэ.

Харин шинэ санаа үзэл бодлийг илүүд үздэг, учир нь үл мэдэгдэх зүйлд татагддаг, шинэ нөхцөл боломжуудийг эрэлхийлэн тодорхой үл мэдэгдэх зүйлсийг тааж тааварлахийг илүүд үздэг бол N – iNtuition (зөн совин) гэж тодорхойлох нь.

3. T ба F: Яаж шийдвэр гаргахийг илүүд үздэгийн хувьд,

Хэрэв та шийдвэр гаргахдаа логик уялдаа холбоон дээр үндэслэн, аливааг задлан шинжлэх утга учрийг нь тайлсаны үндсэн дээр тодорхой шийдвэр гаргадаг бол танийг эргэцүүлэн боддог буюу Т – Тhinking төрлийн гэх нь.

Харин аливаад шийдвэр гаргахдаа логик гэхээсээ өөрийн болоод бусдийн итгэл итгэл үнэмшил, цаашлаад таны бодлоор юу чухал болох та болон бусад хумуус чухам юуг илүүд узэж байна вэ гэдэгт тулгуурлан шийдвэр гаргадаг бол та мэдрэмжиндээ хотлогддог F – Feeling төрлийнх байх нь.

4. J ба P: Таны зарчимч байдал дээр тулгуурлан,

Та өөрийн амьдралийг тодорхой төлөвлөгөөний дагуу, нэгэн чиг шугамийг баримталан эмх цэгцтэйгээр хөтлөн явуулах дуртай бол зарчимч төлөвтэй хүн гэж узнэ. Тэмдгэлгээ нь J – Judging.

Харин та аливаад аясийг нь дагуулах шинжтэй, тухайн нөхцөл байдал ямар байхаас шалтгаалан туунд зохицуулж амидрахийг илүүд үздэг уян хатан чанартай бол мэдрэмжиндээ хөтлөгддөг гэх богоод P – Perception гэж тэмдэглэнэ.

Тодорхой ойлголт авсан гэж найдаж байна. Өөртөө тохирсон 4 үсэгний комбинацийг ч гадарласан байх. Нийт,

ISTJ ISTP ESTP ESTJ
ISFJ ISFP ESFP ESFJ
INFJ INFP ENFP ENFJ
INTJ INTP ENTP ENTJ

эдгээрийн аль нэг болно. Гэхдээ жишээ нь INTJ төрлийн хүн юм болгонд INTJ ямар байдаг тэр л янзаар хандана гэсэн үг биш бөгөөд эсрэг төрлийн зан чанарийг ч тодорхой хэмжээгээр агуулдаг. Ердөө INTJ хандлагийг сонгох магадлал өндөр гэж ойлгох хэрэгтэй.

Сануулж хэлэхэд зөвхөн дээрхи бичсэнд үндэслэн өөрийгөө тодорхойлох нь арай өрөөсгөл, өөрийн код-г илүү нарийн олж мэдэхийн тулд тусгай тест бөглөдөг. Тестийн линк-г доор оруулав.

Test

Цаашид тестийн орчуулга болон 16 зан төлөв нэг бүрийг орчуулан тавих болно.

Эх сурвалж: http://www.teamtechnology.co.uk/tt/t-articl/mb-simpl.htm

Сурсан юм хэзээ ч илүүдэхгүй

no_email@coo.mn (erdek) — Mon, 14 Jul 2008 00:35:00 +0800

Би багаасаа Англи хэл сурсан. Мэдээж кино үзэх, ном унших зэрэгт Англи хэл маань хэрэг болсоон. Цаашдаа ч ажилд орох үед "Англи хэлний өндөр мэдлэгтэй..." гэдэг шаардлагыг нь хангахад хэл хэрэг болно гэж боддог байлаа. Харин зөвхөн англи хэлтэйнхээ төлөө хоолоо олж иднэ гэж бодож яваагүй.
2 жилийн өмнө сургуульд ороход энэ сургууль надад хагас тэтгэлэг өгсөн болохоор байр хоолныхоо мөнгийг өөрөө олох болсон. Эцэг эхээ шаналгаж болох ч ямар л сайхан байхав дээ. Эхэндсээ хэцүү байлаа, энд ажил олоход хэцүү. Биеийн хүчний буюу манайхны хэлдэгээр хар ажил хийж болох ч оюутан хүний хувьд ирсэн гол зорилго маань "сурч боловсрох" 2т угаасаа хуулийн дагуу боломжгүй зүйл болохоор болоогүй юм. Харин ирсэн семестрээ энд гадаад оюутнууд хувиараа англи хэл зааж хэдэн цаас олдогийг сонсоод англи хэлийг багаасаа эхэлж сурсандаа тун олзуурхаж билээ. Тэгээд ажил хайж гарлаа. Хүн амьтанаас асуугаад захиад олоход ч хэцүү байсан даа. Тэр тусмаа танилгүй бол ажил бүтдэггүй сонин газар даа Солонгос гэж. Тэгж тэгж анх дунд хэрийн насны 2 Солонгост зааж эхэлсэн санагдаж байна. Урьд нь англи хэл сурч байснаас зааж байгаагүй болохоор эвээ олохгүй хэцүү л байлаа. Яваандаа дассан даа. Одоо энд ирээд 2 жил гаран боллоо. Хувийн багш байснаасаа сайжраад одоо хэлний төвд англи хэл заадаг. Сургуулийн байр хоолоо төлөөд давхар хэнээс ч дутахгүй давгүй л явж байна. Ингээд бодоход том жижиг гэлтгүй амьдралдаа сурч мэдсэн зүйл маань хэзээ нэгэн цагт хэрэг болдог юм байнаа гэдгийг мэдсэн мэдэрсэн болохоор бичиж хуваалцмаар санагдлаа.

Төгсөөд ажиллаж буй хүмүүсээс асууя

no_email@coo.mn (erdek) — Fri, 11 Jul 2008 23:38:00 +0800

Би оюутан. Монголд сурч байгаад дундаас нь орхиод энд Солонгост ирсэн. Монголд сурч байсан сургуулиь надад хангалттай боловсрол өгч чадахгүй гэж санагдсан. Дээрээс нь энд сурах давгүй боломж гарсан учраас тэр. Одоо надад 2 жил үлдсэн. Цаг байгаа ч төгссөний дараа яах вэ гэдэг бодол тлгойноос салахгүй. Мэдээж онц сураад амжилттай байвал өөртөө итгэлтэй байх. Өөртөө итгэлтэй бол ажил элдэв юманд санаа зовох нь бага. Гэхдээ хүн болгон тийм байж чадахгүй шүү дээ. Би улаан гавал дандаа онц авдаг оюутан биш. Санаа зовж л байна. Тэгээд бодлоо, та нөхөд (төгсөөд ажиллаж буй хүмсүүд...) мэдээж энэ үеийг тойроогүй дайраад гарсан. Хэдэн асуулт байна.

1. Төгсөөд ажилласан нь зөв болсон уу эсвэл үргэлжлүүлээд сурдаг байж дээ гэж харамсадаг уу?
2. Сургуульд сурсан мэдсэн чинь ажилын талбар дээр үнэхээр хэрэг болсон уу? Тийм бол ямар утгаараа?
3. Юу гэж зөвлөмөөр байна?

Дээрхи асуултууд одоо сурч буй оюутан дүү нарынх нь толгойны өвчин болохоор таны хариулт эм л гэсэн үг.
Баярлалаа.

Ганцаардсан хүн нэтэд илүү саатдаг уу

no_email@coo.mn (erdek) — Wed, 02 Jul 2008 07:44:00 +0800

Найзууд байна уу байна, ээж аав эгч дүүс байна уу байна, ер нь хараад байхад тойроод зөндөө л хүмүүс байгаа мөртлөө ганцаардаад байдаг. Хэн ч чамайг тоохгүй байх шиг, хэнд ч чи хамаагүй мэт, чамайг яаж ч байсан хорвоо ертөнц эргэдэгээрээ эргээд, хүмүүс амьдардагаараа амьдраад гээд л. Байх суух газраа олж ядаад л гацаардаад шууд гараад л архи ууж согтмоор санагдаал хэхэ...
Өмнөх бичлэг дээр Эгэл сэтгэлтэй нэгэн блогчин найз маань (Egel_setgel гишүүн) ганцаардсан хүн нэтэд илүү цаг зардаг боловуу гэж коммент үлдээсэн байхыг хараад бодов. Нэтэд цаг зардаг хүмүүс нээрээ л ганцаардаад, ганцаардлаасаа гарах гарц хайгаад нэтэд олон цагаар суудаг юм болов уу гэж. Мэдээж ажлийн шаардлагаар компьютерийн өмнө олон цагаар суух шаардлагатай олон хүмүүс бий л дээ. Гэхдээ тэднээс гадна ганцаардсандаа нэтэд олон цаг зардаг хүн олон байгаа байх шүү. Би ч ялгаагүй, ганцаардаад л..... найзууд байгаа ч гэсэн арай л өөр юм хүсээд байх шиг санагдаад нэтэд суух үе зөндөө байсан. Тэхээр нэг талаасаа бодит амьдралд ганцаардлын асуудлаа шийдэж чаддагүй хүмүүс нэтийг хоргодох газраа болгосон ч юм шиг. Нэтээр дамжуулаад хүнтэй харилцахад биед амар, зардал бага хэхэ, тэгээд хамгийн гол нь өөртэй чинь адил ганцаардсан нэгэнтэй таараад төөрсөөр төрөлдөө болоод хоёр биенээ баясгаад аштай даа. Санал нэг үү нөхөдөө? Та яагаад нэтэд суудаг вэ?