Шашин шүтэх үү эс шүтэх үү?
Бичсэн 20:56, 2007-04-18 Бодол
Ширээн дээр идээ будаа засч арц хүж уугиулжээ. Өрөөнд хонх дамрын чимээ хавсран тачигнаж 2 лам нүд аниастай алга хавсраастай хийморийн сан тавина. Нөгөө талд ламыг залсан гэр бүл бүрэн бүрэлдээхүүнээрэ эгнэн сууж учир нь үл ойлгогдох номыг тус болно хэмээн сэтгэлийн угт найдаж сүсэглэн залбирах... бидний мэдэх энгийн дүр зураг. Зарим нэг нь итгэх ёстой гэж албадан өөрийгөө итгүүлнэ, өөр нэгэн ажил төрөл амьдрал ахуйд хэрэг болно хэмээн итгэнэ, гэтэл нэг хэсэг нь юмыг яаж мэдэхэв илүүдэх биш гэх хандлагаар энэхүү дүр зурагыг хүлээн авна.
Ер нь Монголчууд бид үнэхээр шашинтай юу үгүй юу? Мэдээж Буддын шашин байнаа, гэтэл энэ шашин маань үнэн чанартаа яг юуг сургаж номлож, амьдрал ахуйдаа юуг авч хэрэгжүүлэх ямар ёс суртахуунтай байхыг сургадаг болохыг бид мэддэг билүү?
Осолгүй цагаан сараар жилийн заслаа хийлгэнэ гэж аль нэг хийдэд очиж мөнгө төлөн хэдэн ном уншуулах төдийхнөөр...тэр нь үнэхээр хэрэг болдог үгүйг үл мэднэ.
Гэхдээ асуудлын гол нь лам залж ном уншуулахдаа биш шигээ, угаасаа шишин гээч энэ ойлголт хүний амьдралд ямар үүрэг рольтой, шашин шүтнэ гэдэг нь биднийг ямар байхыг шаардаад байна гэдгийг ойлгох хэрэгтэй болов уу?
Минийхээр шашин мораль 2 салашгүй холбоотой, мораль буюу ёс суртахуунд, хүний биеэ зөв авч явах, зөв бодож сэтгэх, элдэв муу муухай бүхнээс хол хөндий үндсэндээ сайн сайхан амьдралд хүрэхэд шашний нөлөө чухал болтой.
Юу гэх гээд байна гэхээр, учир нь үл ойлгогдох ном сонсохдоо биш тухайн шашнаа ойлгож гол нь бие хүн өөрөө амьдралдаа яаж тусгах, сайн сайханыг яаж өөриймшүүлж авах л чухал юм шигээ...Тэрнээс мянган лам заллаа гээд, яахав сэтгэлд буян хийсэн мэт сайхан л санагдах биз, гэлээ гээд бидний амьдрал үлгэрийн мэт сайхан болно гэж бодохгүй л байна. Биднээс өөрсдөөс их зүйл шалтгаална...
Төгсгөл болгоод,
"Хэдий бурхан гэж байлаа ч эцсийн мөчид хүн өөрөө өөртөө л туслана гэдэгт бат итгэ."
Ж.П.Сартре
{ сэтгэгдэл бичих }